Aiarako jaiak ate joka daude eta ostiralean abiatuko dituzte, igandean bukatzeko

Aiarako San Prudentzio Jaiak ostiralean hasiko dira eta ospakizunez beteriko 3 egun egongo dira. Arespalditza izango da ekintzen toki nagusia, baina Luiaondon eta Kexaan ere, besteak beste, elkartuko dira jendea eta ekintzak.

Musikak (DJ Ruba, Lisker, Sukar, Patxi eta Konpainia taldeek), dantzek (zumbak, euskal dantzek), kirolek (pilotak, bolak) eta gastronomiak protagonismo guztia izango dute ostiralean, larunbatean eta igandean.

Aurtengo jaietan, berriro ere, berdintasunaren aldeko diskurtsoa landuko dute eta eskuragarri izango dituzte zapiak eta eskumuturrekoak indarkeria matxistaren kontra. Horrez gain, Beldur Barik Gunea jarriko dute.

Bestalde, Fundación Alday izango da aurtengo pregoilaria; adinduen egoitza eta nagusien arretarako eguneko landa eremuko zentroa kudeatzen ditu elkarteak. Fundazioa, ofizialki, 1933an sortu zuten Francisco eta Luisa Alday Icabalceta anai-arrebek, baina 120 urte beteko ditu aurten. Madrilen bizi ziren eta herriko euren ondasunak jarri zituzten Aiarako behartsuen eskura.

Fundazioa, egun, osatzen dute Abiega eta Belaustegigoitiako familien ondoko banak eta herriko apaizak. 24 pertsonari ematen dio zerbitzua eta orain lanak egiten ari dira azpiegiturak hobetzeko.

Autobus zerbitzua doan

Aiarako Udalak prestatuko du doako garraio publikoa, nahi duenak erabili dezan apirilaren 27an eta 28an, hau da, ostiral gauen eta larunbatean.

Bi ibilbide egingo ditu. Bata Arespalditzara joateko:

  • Artziniega (20:30)-Lanteno (20:40)-Menagarai (20:45)-Ibaguen (20:55)-Arespalditza (21:00)
  • Laudio (21:20)-Luiaondo (21:30)-Amurrio (21:40)-Murga (21:50)-Arespalditza (22:00)

Eta bestea itzultzeko:

  • Arespalditza (04:00)-Ibaguen (04:10)-Menagarai (04:20)-Lanteno (04:30)-Artziniega (04:40)
  • Arespalditza (05:00)-Murga (05:10)-Amurrio (05:20)-Luiaondo (05:30)-Laudio (05:40)

 

Egitarau osoa

Apirilak 27, ostirala:

  • 18:00-20:00 // Bola-jokoa Luiaondoko bolatokian
  • 19:00 // Txupinazoa
  • Pregoilariaren agurra // Alday fundazioa
  • Portada-lehiaketako irabazleari saria emateko ekitaldia
  • Txupinazo ofiziala pregoilarien esku
  • Luiaondoko txistulariak
  • Prontxiri ongietorria
  • Beldur barik gunea
  • 19:30 // Aiara Dantza Taldearen emanaldia
  • Herriko txorizo-jana ( 0,50 €).
  • 20:00 // Fanfarrea Beti jai
  • 21:00-00:30 // Berbena Sukar taldearekin
  • 00:30 // Dj Ruba

Apirilak 28, larunbata:

  • 10:30 // Kalejira
  • 11:00 // Eskualdeko produktuen azoka
  • 11:30-13:00 // Bolo-jokoa Luiaondoko bolatokian
  • 12:00 // San Prudentzioren omenezko meza
  • 12:30 // Izalde abesbatzaren kontzertua
  • 13:00 // Haurren danborrada
  • 13:00 // Barraskilo jana
  • 16:00 // Duatloia Txikia / 16:45 Duatloi handia
  • 19:30 // Zumba sesion ( Izaskun Del Cerro)
  • 22:00 // Reverso taldearen kontzertua
  • 23:30 // Berbena Lisker taldearekin

Apirilaren 29, igandea:

  • 08:30 // Erakustxakurren Arabako IV. Irekia.
  • 10:30 // Jesús Isasiren Omenezko XXXVIII. Txirrindularitza Txapelketa (kadeteak)
  • 11:00-13:00 // Bolo-jokoa Kexaako bolatokian
  • Haur-parke // 11:00-14:00 eta 16:30–19:30
  • 12:00 // Adineko pertsonen omenezko meza
  • 12:30 // Eskutxiko Ahotsak abesbatzaren kontzertua
  • 14:30 // Adineko Pertsonen XXVII. Eguna ospatzeko bazkaria eta dantzaldia, Iñaki Oteguiren eskutik
  • 14:30 // Herri-bazkaria. Nork bere bazkaria eramango du, eta udalak ardoa eta ura eskainiko ditu
  • 18:00-20:00 // Bolo-jokoa Kexaako bolatokian.
  • 18:30 17:00 // Pilota-jaialdia, Luiaondo frontoian
  • 19:00 // Erromeria Patxi eta Konpaniarekin.
  • 21:00 // Herriko odolki-jana (1 €).



LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide