aiaraldea.eus

Belaunaldi gazteen ekarpenekin indartuta datoz Luiaondoko jaiak

Erabiltzailearen aurpegia Txabi Alvarado Bañares   Kultura  Aiara  Aiara: Luiaondo

Akelarre erromeria eta DJ Markelin arituko dira oholtza gainean, besteak beste. Hiru txanpa izango dituzte jaiek: Andra Mari Magdalena, Santo Domingo eta San Lorentzo.

Belaunaldi gazteen ekarpenekin indartuta datoz Luiaondoko jaiak
Gaztedi berria koadrila da Luiaondoko Jaietan parte hartzen duen talde aktiboenetako bat. / Aiaraldea.eus | Ikusi handiago | Argazki originala

Plazaratu egin dituzte dagoeneko Luiaondoko jaien egitarauak. Ohiturari jarraiki, hiru txanpatan banatu dituzte ospakizunak: Andra Mari Magdalena -uztailaren 20tik 22ra-, Santo Domingo -abuztuak 8 eta 9- eta San Lorentzo -abuztuak 10-.

Aurreko urteetako ildoari jarraituko diote aurtengo jaiek, baina berrikuntza batzuk ere izango dituzte. “Urtero bilera bat egiten dugu jaiei begira ekarpenak jasotzeko”, azaldu du Luiaondoko Administrazio Batzarreko presidentea den Maite Alonsok, “aurten jende gazte asko bertaratu da eta euren adineko herritarrei bideratutako ekintzak proposatu dituzte, Akerbeltz erromeriaren edo DJ Markelinen emanaldiak kasu”.

Luiaondoko herrigunean egingo dira Andra Mari Magdalena jaiak. Santo Domingo eta San Lorentzo, aldiz, izen bereko baselizen inguruan ospatuko dira. “Jai politak dira, eskualdeko jende ugari bertaratzen da”, azaldu du Alonsok, “paraje eder batzuetan egunpasa egiteko eta gainontzeko auzokideekin harremanak izateko balio dute”.

ANDRA MARI MAGDALENA JAIAK

Uztailak 20, ostirala

18:00 // Kalejira Fanfarre “BETIJAI” taldearekin (irteera Malato zuhaitzetik)

20:00 // Txupinazoa (eskola zaharretik)

20:30 // Buru handiak

23:00 // Dantzaldia “LISKER” taldearekin

Uztailak 21, larunbata

09:00 // Txakurren erakustaldia

10:00 // Kalejira, Luiaondoko txistulariekin

11:30-13:00/18:00-20:00 // Bolo txapelketa. Magdalena Saria

18:00 // Eskupilota jaialdia

18:00-20:00 // Bola txapelketa

21:30 // Odolosteak denontzat Eliza aurreko zelaian

22:30 // Dantzaldia "AKERBELTZ " taldearekin

02:30 // Disko Festa “DJ MARKELIN”

Uztailak 22, igandea

11:30-13:00 // Bola txapelketa

12:30 // Meza Andra Maria Magdalenaren ohorez

13:00 // Dantza erakustaldia

13:00-14:00 // 2. Igela txapelketa Otueta gizarte etxean

16:30 // Haur parkea frontoian

17:30 // Buru haundiak elizako zelaian

16:00 // Mus txapelketa (ikusi kartel berezia)

17:00 // FIFA Ps4 txapelketa. (ikus kartel berezia)

20:30 // Txistorrak eliza aurreko zelaian

20:30 // Disko festa: “ZABAL D. J.”

SANTO DOMINGO

Abuztuak 8, asteazkena

10:00 // Kalejira, Luiaondoko txistulariekin

11:00 // Yinkana

12:00 // Meza, Santo Domingoren ohorez

14:30 // Herri bazkaria, baselizaren zelaian

17:00 // Briska txapelketa

18:00 // GOT TALENTSanto Domingo

21:00 // Odolosteak denontzat

21:00 // GANEKO taldearekin

Abuztuak 9, osteguna

20:30 // Txorizoak OLETA jatetxean (Oletak berak antolatuta). Disco-festa ZABAL D. J.

SAN LORENTZO

Abuztuak 10, ostirala

11:00 // Tortilla eta Pintxo txapelketaren hasiera

12:00 // Meza, San Lorentzoren ohorez

13:30 // Tortillak eta Pintxoen aurkezpena

14.30 // Herri bazkaria, baselizaren zelaian

16:30 // Tute txapelketa

17:00 // Umeentzako ur-txirrista

21.30 // Txintxorta denontzat

22.00 // Dantzaldia “GANEKO” taldearekin

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa