Victor Perez eta bere semea, Yeray Perez, Galiziako Falkoneria Txapelketan aritu dira asteburuan eta emaitza positiboak lortu dituzte. Berez, Victor bi aldiz igo zen podiumera 3. postua hartzeko, Harris arranoarekin eta aztorearekin horrela sailkatu baitzen hegaldi baxuetan. Bestalde, Yeray 4. izan zen txori txikien kategorian.
Victor Perezek azaldu du Mesón do Venton egindako proba gogorra izan dela, hegaldietan, bai larunbatean zein igandean, haizea, euria eta batzuetan txingorra izan baitute.
Zangozan
Aurreko asteburuan Nafarroan izan zuen hitzordua Victor Perezek Zangozan, hain zuzen ere. Bertan emaitza bikainak erdietsi zituen. Harris arranoarekin txapelduna izan zen eta aztorearekin, aldiz, 2. postua eskuratu zuen. Yerayk, ordea, ezin izan zuen parte hartu proban, ez baitzegoen umeentzako kategoriarik.
Espainiako txapelketa helburu
Hurrengo hilabeteetan izango dira falkoneria lehiaketa nagusiak. Victor Perezek Espainiako txapelketa garaitzea nahi du. Duela bi urte lortu zuen, baina iaz ez zen onena izan. Aurten Osunan izango da proba berriro; abenduaren 6an, 7an eta 8an.