aiaraldea.eus

Kexaako bolo taldeak piztu du Sanprudentzioetako suziria

Erabiltzailearen aurpegia Izar Mendiguren Cosgaya   Kultura  Aiara  Aiara: Arespalditza
Kexaako bolo taldeak piztu du Sanprudentzioetako suziria

Iluntzean izan da txupinazoa. Bea Isasi lehendakariak eta bolo elkarteko kideek irakurri dute pregoia, eta ondoren piztu da festa.

19:00etan ekin diote Aiarako jaien hasiera ekitaldiari. Sanprudentzio festetako kartel lehiaketako irabazleak saritu dituzte lehendabizi, eta ondoren irakurri dute pregoia. Bea Isasi lehendakariak hartu du hitza, bolo taldeko zenbait kiderekin batera. Hala, elkarteari eginiko omenaldia eta aitortza eskertu dituzte. Ildo beretik, ekainaren 8rako antolatzen ari diren Euskadiko Bolo txapelketaren berri eman dute. Festa giroa izanik, emakumeen parte hartzearen garrantzia azpimarratu du Isasik ekitaldian, bai bolo kirolean eta baita jaietan ere. 

Suziriak jaurti ostean Aiara dantza taldearen emanaldia egon da. Horrez gain, txorizo jana egin dute Eskutxi taldearen eskutik. 

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa