aiaraldea.eus

Asteburuan izango dira Soxoko jaiak

Erabiltzailearen aurpegia Izar Mendiguren Cosgaya   Kultura  Aiara  Aiara: Soxo

Ostiral eta larunbatean izango dira Soxoko jaiak. Besteak beste, mendi ibilaldia, "Konkisoxo" eta herri parrillada egongo dira.

Asteburuan izango dira Soxoko jaiak
Konkisoxo izango da jaietako ekimenetako bat. | Ikusi handiago | Argazki originala

Hiru santu omenduko dituzte Soxoko jaiek: San Emeterio, Zeledino eta Ramon Nonato. Ostiralean hasiko dira jaiak, San Emeterio eta Zeledonio gogoratzeko. 9:00etan jaurtiko dute txupina, eta kanpaiak irauliko dituzte segidan. Hala, mendizaleek bosgarren "Soxo-Soxo" ibilaldia egingo dute, Artziniegako Ganzorrotz taldeak antolatuta. 9:30ean izango da hitzordu hori.

Eguerdian, berriz, meza eta puzgarriak egongo dira, baita trikipoteoa ere. Hitzordurik bitxiena "Konkisoxo" ekimena izango da, 18:00etatik aurrera jokatuko dena. 19:00etan mus txapelketa izango da, eta gauean Jupiter taldearekin berbena. 

Larunbatean, berriz, San Ramon Nonatoren omenezko mezak eta puzgarriek emango diote bide egitarauari, 13:00etan. Ondoren, talo jana egongo da, baita igel txapelketa ere. Arratsaldean, aldiz, haurrentzat jolasak eta tute txapelketa nagusituko dira. 21:00etan, ordea, herri parrillada prestatuko dute. Ez da umorerik faltako: 22:30ean “DJ kike mix” taularatuko da, eta hamabietan mozorro festa eta bingoa egongo dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa