Aurten ez dituzte sanprudentzioak ospatuko Aiaran

Aitor Aspuru Saez 2020ko apirilaren 1a
Deskargatu Info Ahotsak :

San Prudentzio jaien ekintza gehienak Arespalditzan antolatu ohi dira. / Aiaraldea.eus

Aiarako Udalak atzo zabaldu zuen idazkia jakinarazteko herritarrei San Prudentzio Jaiak bertan behera geratu direla. Gainera, ez dira aurrerago antolatuko, hortaz 2020ko ediziorik ez da egongo.

Atzo Aiarako Udalak alkate dekretua plazaratu zuen jakinarazteko San Prudentzio Jaiak bertan behera utzi dituztela.

Tokiko erakundeak azaldu du martxoaren 14an abiatutako osasun larrialdia, printzipioz, apirilaren 12an bukatuko dela eta, aintzat hartuta sanprudentzioak apirilaren 24an hasi behar zirela, ez dagoela modurik ospakizunak eta herritarren osasuna bateratzeko, koronabirusari dagokionez.

Aiaraldea.eus hedabideak galdetuta, Gentza Alamillo alkateak argitu du udalak ez duela aurten beste data batean egingo jaia. Ondorioz, ez da egongo 2020ko ediziorik.

Kultura Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide