Osakidetzak atzo eguerdian plazaratutako txostenaren arabera, koronabirus 5 kasu berri topatu zituzten atzo eskualdean, eta guztiak Aiaran erregistratu zituzten.
Egun bakarrean %33 hazi dira udalerri horretan positiboak, eta 15 gaixotik 20ra egin dute salto. Horren ondorioz, Aiara da, populazioa eta koronabirus kasuak alderatuta, eskualdeko udalerririk kutsatuena. Herritarren %0,68arengan izan du eragina birusak. Atzo kopurua %0,51koa zen.
Berez, larunbatean kutsatu berrien kopurua bera da atzokoa (5); baina ostiralean 3, ostegunean 2 eta asteazkenean bakarra izan ziren.
Guztira, Aiaraldean 215 gaixo diagnostikatu ditu Osakidetzak pandemiaren krisialdia hasi zenetik. Aipatutako aiararrak ez ezik, 82 laudioar, 65 amurrioar, 20 urduñar, 14 orozkoar, 9 artziniegar eta 5 okondoar daude.
Aiararen atzetik, herririk kutsatuenak hurrengoak dira: Amurrio %0,62, Orozko %0,53, Urduña eta Artziniega %0,46, Laudio %0,44 eta Okondo %0,41.
EAEn koronabirusaren positiboak 11.018 dira jada: 5.933 Bizkaian, 3.034 Araban eta 2.051 Gipuzkoan. Hildakoen kopurua 831ra heldu da, atzo baino 27 gehiago.
_tokikom_735x413.JPG)