Aiarako herri guztietan egingo dute asteartean danborrada

Erredakzioa 2020ko apirilaren 23a
Deskargatu Info Ahotsak :

Aiarako jaiak bertan behera geratu arren, danborrada eta marrazki lehiaketa egingo dituzte San Prudentzioren omenez.

Aiarako jaiek ez dute 2020an kale jarduerarik izango. Larrialdi egoera dela-eta, udalak bertan behera utzi behar izan ditu ospakizunak.

Alabaina, San Prudentzio festen ohiturei jarraiki, balkoi eta leihoetan danborrada egiteko deia luzatu dute. Apirilaren 28an izango da zita, 13:00etan. Erretreta www.aiarakoudala.eus webgunean deskarga daiteke, entseguei ekiteko. Horrez gain, marrazki lehiaketa egingo dute, "Nola ospa ditzakegu aurten gure herriko jaiak?" lemapean.

Azkenik, ospakizunari kutsu kolektiboa emateko, Aiarako Udalak ikus-entzunezkoa sortu nahi eta horretarako argazki eta bideoak bidaltzeko eskatu die herritarrei, aiarakojaiak@aiarakoudala.eus helbidera. Irudiak horizontalak izan beharko dira eta ekarpena egiteko epea maiatzaren 1ean amaituko da.

Kultura Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide