SAN PRUDENTZIO JAIAK

"San Prudentzio Jaiek Aiarako 24 herriko lagunei batzeko aukera onena ematen digute urtean behin"

Edurne Alava 2017ko sanprudentzioetan. / Aiaraldea.eus

Edurne Alavak faltan sumatzen ditu Aiarako Jaiek ematen dioten aukera paregabea. Ospakizunak Aiarako udalerriari egiten dio ekarpen azaldu du.

San Prudentzio eguna heldu da eta horrekin batera Aiarako jaiak. Hauek Arespalditzan ospatzen ditugu eta guretzat bereziak dira.

Udaberriko lehenengo jaiak dira, horregatik gogoz hartzen ditugu eta bereziki aiararrok, bertan denok biltzeko urteko aukera bakarra baita. Aiarak herri asko ditu, 24 zehazki, herri bakoitzak bere jaia izan arren, hauek izaten dira bertakoak eta kanpokoak ere biltzeko aukerarik onena eta gehien espero duguna..

Aurten ezin izango dugu elkartu, dantzatu, nola gauden elkarri galdetu ezta aiarar berriak ezagutu ere.

Aspalditik ikusten ez ditugun lagunen falta izugarri sumatzen dugu. Zorionez uda luzea da eta, egoera berezi honek hobera jotzen badu, agian Aiarako beste herri bateko jaietan elkartuko gara.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide