Zuhatzako baserri batean konponketak egiten ari zirela, langileek granada bat topatu zuten teilatu-hegalean. Objektua lehergailua zela konturatu bezain pronto, Ertzaintzari jakinarazi zioten eta poliziak Lehergailuak Ateratzeko Unitatea bidali zuen.
Kasu horietan aditua den unitateak granada hartu eta larre batean eragin zuten eztanda. Zuhatzako herritar batek aipatu dio Aiaraldea Komunikabideari Ibaguenen egin zutela hori, baina poliziak ez du zehaztu.
Ertzaintzak adierazi du esku-hartze azkarra izan zela, eta granadaren jatorriari dagokionez, poliziak ez daki nola heldu zen baserrira, baina prentsa zerbitzuak azaldu du litekeena dela Gerra Zibilekoa izatea.
Okondon iaz pertsona bat larriki zauritu zen bere etxean zuen mota horretako lehergaiilu batek eztanda egin zuenean. Horrez gain, Aiaran bertan duela hiru urte gerra garaiko obusa zartatu zuen Ertzaintzak.
Eztanda egin ez duten Gerra Zibileko lehergailuen presentzia nabarmena izan da eskualdean, eta heriotzak eragitera iritsi dira iraganean.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
