Guda Zibilekoa zen Okondon iragan astean lehertu zen granada

Txabi Alvarado Bañares 2021eko martxoaren 18a

Guda Zibileko eskuko granada baten irudia. / XZaragoza

Ertzaintzak ikerketa bukatutzat eman du, lehergailua garai horretakoa zela argi geratu dela argudiatuta.

63 urteko gizon bat larriki zauritu zen iragan martxoaren 9an Okondon, bere etxebizitzan granada bat lehertu zenean.

Ertzaintzak ikerketa abiatu zuen gertatutakoa argitzeko, baina itxi du dagoeneko. Poliziak azaldu zuenez, lehergailuaren arrastoak hartu zituztenean nahiko argi ondorioztatu zuten Guda Zibileko arma bat zela eta, ondorioz, ez zuten gehiago ikertu.

Bestelako kasuak

Okondon jazotakoa ez da salbuespena. Azken urteetan Euskal Herriko hainbat txokotan topatu dira Guda Zibilean erabilitako armak. Gehienak erabilgaitz geratu dira denboraren poderioz, baina arriskutsuak izaten jarraitzen dute.

1937. urtean Aretan gertatutako ezbeharra da horren adibide. Lau ume hil ziren urte horretako ekainaren 20an, egun batzuk lehenago topatu zuten granada batekin jolasten ari zirela.

Bosgarren ume bat -Estanislao Martin Carrion- larriki zauritu zen, baina bizirautea lortu zuen. Bideo-erreportaje honetan kontatu zuen Aretako bizilagunak gertatutakoa:

Jendartea Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide