Aiarako San Prudentzio Jaiak apirilean izango dira eta Udalak jadanik abiatu du kartel lehiaketa, irudiak egitarauan agertu daitezen. Azken eguna lanak aurkezteko hurrengo ostirala izango da eta bi kategoria egongo dira sariak jasotzeko. Alde batetik, heldu irabazleak 200 euroko txekea jasoko du eta haurrak, aldiz, 50 euroko txekea eskola materiala eskuratzeko.
Aurkeztutako lanak 80x60 zentimetrokoak izan beharko dira gehienez eta kolorez. Gai nagusia librea bada ere, San Prudentzio jaietara egon beharko da lotuta eta Ayala-Aiarako Jaiak 2023 lema jaso beharko dute, baita udal armarria ere.
Lanak sinatu barik aurkeztu beharko dira Aiarako Udaleko Luiaondoko bulegoan edota Etxaurren Ikastolan. Lanaren goiburua idatziko da atzeko aldean. Halaber, honako datu hauek jasoko dira lanarekin batera bidali behar den gutunazalean: gutunazalean bertan goiburua, eta barruan, egilearen izen-abizenak, helbidea, telefono zenbakia eta aurkeztutako lanaren titulua.
Deialdiaren arau guztiak hemen irakur daitezke.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
