Ostiralean danborrada izan zen jarduera nagusia. Larunbat goizean haurrentzako jolasak izan ziren nagusi, eta arratsaldeko lehen orduan punk eta hardcore doinuek hartu zuten elizako arkupea, hainbat kontzertu antolatu baitziren bertan, egitarautik kanpo. Ordu berean hasiko zen txirrindulari lasterketa, baina bertan behera utzi behar izan zuten azkenean, parte hartzaile batzuen erorketaren ondorioz.
Istripu hori kenduta, jaiak oso ondo egon direla nabarmendu du Gentza Alamillo alkateak, "partaidetza handia" egon dela nabarmenduta. Gaur goizean Luiaondon hasi da eguna, erakusketarako txakurren Arabako Open Txapelketarekin. Emakumeen herri kirol erakustaldia eta batukada feministaren emanaldia egon dira gero Arespalditzan, eta Patxi Perezen dantzaldiarekin eta odoloste janarekin amaitu dute eguna.
Argazkiak: Gentza Alamillo Udaeta, Sorginlarren, Jone Gartzia Gerra eta Txabi Alvarado Bañares
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide