Kexaako kapera eta dorrea urtea amaitu baino lehen irekitzeko konpromisoa hartu du Ramiro Gonzalezek

Aitor Aspuru Saez 2023ko maiatzaren 20a

Ezkerretik eskuinera; Encina Castresana Aiarako Kuadrillako presidentea, Ramiro Gonzalez Ahaldun Nagusia eta Gentza Alamillo Aiarako alkatea, Kexaan. / EAJ

EAJko Ahaldun Nagusia eta hautagaiak iragarri du Kexaako Monumentu Multzoa biziberritzeko asmoa duela.

Ramiro Gonzalez egungo Arabako Ahaldun Nagusi eta EAJko hautagaiak adierazi du konpromisoa hartu duela urtea amaitu baino lehen Kexaako kapera eta dorrea irekitzeko.

Arabako Foru Aldundiak 2022ko amaieran abiatu zuen prozedura Aiarako monumentu multzo hori erosteko 2,7 milioi euroren truke, eta otsailean jakinarazi zuten ideia lehiaketa egingo dela bere kudeaketa zehazteko.

“Monumentu-multzoa berreskuratzeko eta balioesteko plan integral bat garatzeko” beharra aurreratu du Gonzalezek, eta jarraituko dutela “Kexaak Aiara eskualdea dinamizatzeko eta bultzatzeko lehen urratsak egin ahal izateko ideia-lehiaketa bat diseinatzen". Halaber, turismoa sustatzeko beste egitasmo batzuekin lotu du kaperaren eta dorrearen irekiera; Dorretxeen Ibilbidea, museo-sarea indartzea, eta Txakolinaren eta artisau-produktuen ibilbideak, besteak beste.

Politika Aiara Kexaa

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide