Artziniegari lekukoa hartuta, Korrika goiztiarra izan da aurtengoa Aiaran, eta lekukoa lanbroak inguraturik iritsi da bertara. Udalerriko errepide nagusia zeharkatu du Lantenotik Izoriaraino. Bidean ehunka airarrek egin diote ongi etorria, baina baita beste udalerrietatik etorritako euskaltzaleek ere. Izan ere, Amurrioko eragile askok kilometroak hartu dituzte bertan.
Etxaurren ikastolako ikasleak Luiaondon
Korrikaren bigarren bisita bat ere jaso du Aiarak. Amurrio eta Laudio arteko bidean Luiaondon hartu dituzte korrilakariek indarrak. Etxaurren Ikastolako guraso eta irakasleek ekimen erraldoia antolatu dute bertan Korrikari ganorazko agurra egiteko. Hirurehun ikasle baino gehiago Ibaguengo zentrotik Luiaondoko frontoira joan dira autobusetan
Hauek izan dira Aiarako lekuko eramaileak:
- 2027. Km – Ibaizabal Gaztetxea
- 2028. Km – AdiGrafik
- 2029. Km – Amurrioko EAJ
- 2030. Km – Menagaraiko Emakume Taldea
- 2031. Km – Amurrioko Gazte Mugimendua / EH Bildu
- 2032. Km – Mendiko Lagunak MT
- 2033. Km – Arespalditzako Administrazio Batzarra
- 2034. Km – Aiarako Caceres Farmazia
- 2035. Km – Izoria herria
- 2036. Km – Aiaraldea Ekintzen Faktoria
- 2037. Km – Etorki Kooperatiba / Txokogorri
- 2062. Km – Aiarako Udala
- 2063. Km – Etxaurren Ikastola
- 2064. Km – Amurrio Aisia Eskaut Taldea
Argazkiak: Aimar Gutierrez Bidarte eta AEK