Zuhatzako jaiak uztailaren 18tik 20ra bitartean egingo dituzte eta kulturari, gastronomiari eta umeen gozamenari eman diete berebiziko garrantzia.
Lehenengo egunean, adibidez, Adabaki klown ikuskizuna izango dute eta larunbatean Zuhatzako herritar talde batek Le Cirque su Soleil-en omenezko antzezlana egingo du. Egitasmo bitxi hori duela 20 urte baino gehiago sortu zuten herrian, zuhatzarren arteko, eta bereziki umeen arteko, harremana sustatzeko proiektu sortzaile batekin. Iaz, adibidez, herri kirolei buruzko antzezlana taularatu zuten eta aurten dantza eta zirkua izango dituzte hizpide.
Haurrek eskaintza zabalagoa izango dute, egun berean, uztailaren 19an. Izan ere, puzgarrien eta apar jaiaren ostean DJ Kactusen emanaldia egongo da.
Musikaren aldetik, Iñakiren erromeria izango dute ostiralean eta Koxkor taldea eta DJ Varro larunbatean.
EGITARAU OSOA
Uztailaren 18an, ostirala
11:30 // Kanpaikadak
12:00 // Meza eta Pezukerari ongi etorria
19:00 // Adabaki klown ikuskizuna
20:00 // Iñakiren erromeria eta txokolate jana
Uztailaren 19an, larunbata
09:30 // Mendi ibilaldia, izen-ematea 09:20ean
13:00 // Puzgarriak eta Ikasgune
14:30 // Paella (izen-ematea uztailaren 16an beranduenez 680 35 78 59)
16:00 // Puzgarriak
16:30 // Bingo musikatua
18:00 // Apar festa
19:30 // DJ Kactus
20:30 // Parrillada
22:00 // Koxkor taldea
01:30 // DJ Varro
Uztailaren 20an, igandea
11:30 // Meza eta zozketa