San Prudentzio jaien danborrada egin dute gaur 12:00etan Arespalditzan eta familia mordoa bildu da eliza eta udaletxearen artean Etxaurren Ikastolako umeak ikusteko.
Bereziki hunkigarria izan da gaurko edizioa, Andoni Armentia apaiza eta musikari porrokatua oroitu baitute. Martxoan zendu zen eta bere inguruko lagun askok hitza hartu dute aitortzeko musikaren eta euskal kulturaren alde egindako lana. Bideoa ere sortu dute eta udalbatza aretoan proiektatu dute.
Hitzartzearen ondoren, danborradaren txanda izan da eta, urtero legez, seigarren mailako ikasleak agurtu dituzte, hurrengo urtean ez baitira egongo ikastetxean.
Horrez gain, jendetza batu da ferialean, azokan zein haurrentzako tailerrean parte hartzeko. Tubos Reunidos enpresako grebalariek ere elkarretaratzea egin dute.
Arratsaldean amaituko dituzte ospakizunak dantza plaza eta odoloste janarekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
