Domingo Deuna ermitaren inguruko zelaietan bildu ziren atzo Luiaondoko bizilagunak, santuaren omenezko jaia ospatzeko. Goizetik gauera arteko egitaraua prestatu zuten horretarako, eta jai-giro ederrean igaro zuten eguna.
Berrikuntza batekin abiatu zuten larunbata, paella lehiaketarekin, hain zuzen ere. Horrez gain, meza, haurrentzako jolasak eta trikipoteoa ere egon ziren goizean zehar. Herri bazkaria egin zuten gero, eta briska txapelketarekin eta bingo musikatuarekin alaitu zuten bazkalostea.
Arratsaldean, herri kirol erakustaldia, helduentzako jolasak eta bingoa egin zituzten. Egunari amaiera ezin hobea emateko odolosteak prestatu zituzten, Ganeko erromeriaren musikaz girotuta afaltzeko. Herriko Sospechoso de Spam DJak luzatu zuen gaua.
Argazkiak: Julene Urkijo eta Maider Ramirez.