Duela bi aste tirabirak hasi ziren Arabako koadrila eta Gasteizko udalaren artean hondakinen tratamenduaren harira. Duela gutxi arte Koadrilek Gardelegiko zabortegira botatzen zituzten hondakinak, baina Gasteizeko udalaren aginduz Jundizeko zabortegian botatzen hasi behar ziren, bertako Biocompost plantatik igaroz. Aldaketa honek koadrilei 68,56 euroko kostua suposatuko die isuritako zabor tona bakoitzeko, lehen baino %50 gehiago.
Egoera honen aurrean Arbako koadrilak agindua desobeditu eta zaborra Gardelegin izurtzen jarraitzeko mehatxua egin zuten. Azkenean akordio bat lortu dute Arabako Foru Aldundiarekin, azken honek urte batez zerbitzuaren kostuaren igoera ordaintzea onartu egin du.
Hautsak harrotu ditu zabortegi aldaketak eta sortutako ezadostasunen aurrean Gasteiz Zero Zabor elkarteak ohar bat kaleratu du, bere ikuspuntua azalduz.
Gasteiz Zero Zabor-ek oharrean gogorarazi du orain arte Gardelegiko zabortegian besterik gabe isurtzen ziren zaborrak orain Jundizeko Biocompost tratamendu biologiko-mekanikodun igaroko direla derrigorrez, bertan herritarrek euren etxean selektiboki banatu ez eta birziklagarriak diren hondakinak berreskuratuko direlarik.
Gasteiz Zero Zabor elkarteak ulertzen du koadrilak tratamendu berriak suposatzen duen gainkostuaz kexu izana, arazoa konpontzeko ordea beste alternatiba bat eskaintzen du, tokian tokiko konpostajea.
Biohondakinak herritarron zarama poltsako %50 osatzen du, Gasteiz Zero Zabor-en aburuz, honen tokikok tratamenduak fakturaren beherapena eragingo luke. Jaki hondakinen bilketa selektiboak gainontzeko zabor frakzioetan (plastikoa, biera, papera) positiboko eragin ez ezik kamioien frekuentzia jaitsi eta enplegu berdea sortu dezakeela azpimarratu dute.
Honen aurrean Gasteiz Zero Zabor-ek Araba Lurralde Historikoko Hiri Hondakinak kudeatzeko 2006-2016 Planean jasotzen dena, behingoz, garatzea eskatzen du lehen pausu bezala.