Sasien Sehaska Amurrion sortutako proiektua da. Ekimen honen helburua herriko zein Aiaraldeako beste zonaldeetako auzokideen arteko komunikazio eta elkarrekintza bultzatzea da. Horretarako ostegun honetan mahaingurua egin dute Amurrioko kultur etxean zeinetan haraneko hainbat kolektibo zein auzokidek parte hartu egin duten.
Mahainguru honetan Aiaraldean dauden hainbat arazoren inguruan hitz egin da. Hasteko, Lateorroko antenaren aurkako auzokideen ordezkariak uhinek ingurugiroan eta osasunean eragiten dituzten kalteez mintzatu egin da bilerara bertaratu den geobiologia aditu batekin batera. Mugikorrek, wifiak, TDTak eta antzekoak eratutako uhinen kaltegarritasunaz ohartarazi egin dute eta baita gero eta antena gehiago dagoela azpimarratu ere. Hori dela eta, bistarako ikusezinak diren uhin hauen gutxitzearen eta erregulazioaren alde borrokatzeko deia bultzatu egin dute.
Baina bestelako gaiak ere jorratu egin dira Sasien Sehaska kultur elkartearen lehenengo bilera honetan. Zanpazu Bizirik plataformaren kide batek Aiaraldean eraikiko diren zentral eolikoen inguruan hitz egin du. Hasteko, energia berriztagarriak produzitzen dituzten Iberdrola bezalako enpresen negozioa lotsagarria dela salatu egin du, diru publikoa beraien interesen arabera erabiltzen dutelako. Hortaz gain, eta mota honetako eraikuntzek eragiten duten inpaktu ekologikoa azpimarratzearekin batera, gobernuak legeak urratu egiten dituela salatu egin du, parke edo zonalde babestuetan zentral eolikoen eraikuntza bultzatzen duelako. Amaitzeko, gatazka hauentzako dagoen irtenbidea herritarren mobilizazioa dela argudiatu du; honi baitiote, bere hitzetan, benetako beldurra boteretsuek.
Gai hauek jorratu ondoren, Sasien Sehaskako kideek arazo guztien kausa komuna gaur egun indarrean dagoen sistema ekonomiko kapitalista dela helarazi dute; sistema ekonomiko honek gero eta kontsumo handiagoa bultzatu egiten duelako, honek dakarren baliabide naturalen gehiegizko esplotazioarekin batera.
Aurrekoari lotuz, arazo guzti horiek koordinatzeko eta herritarren elkarrekintza eta borrokak sustatzeko premia azaldu egin da. Auzokideek erabakiak Udalaren edota inolako beste botereren pean egon barik hartzea beharrezko dela ondorioztatu egin dute Sasien Sehaskako kideek; konponbide eta erabakiak herriak herriarentzat hartu egin behar dituela hain zuzen ere. Horregatik, auzokideen arteko elkarrekintza eta parte hartzea bultzatzeko helburua finkatu egin dute eta horretarako abuzturako gure inguruan dauden gatazken (eolikoak, antenak, AHTa, gaztetxe falta…) laburbilduko duen dossier bat idaztea erabaki dute, herritarrak informatu eta proiektuan parte hartzera bultzatzeko asmoarekin.
Sasien Sehaskako kideekin kontaktuan jartzeko: sasiensehaska@gmail.com