Korrika dela-eta, ekintza ugari egingo dute Urduñan ere

Azken urteetan Korrikak ez du kale egin Urduñan. Argazkia: aiaraldea.eus

"Korrika multikulturala" egingo dute apirilaren 7an eta 8an Urduñan.

Urduñako Euskara Batzordeak Korrikaren eta euskararen aldeko egitarau oparoa prestatu du apirilerako. Apirilaren 7an eta 8an egingo dira ekintza gehienak. Ostiral horretan igaroko da Korrika Urduñatik. 07:30ak aldera iritsiko da Barrerilla portura eta Saratxorako norabidea hartuko du. Aurreko edizioan bezala, dianak iragarriko du Korrikaren etorrera. Gazte Asanbladak, aldiz, txokolate beroa eskainiko du gaztetxean indarrak berreskuratzeko.

Erakusketak eta kirol ekintzak nagusi
Bestalde, argazki erakusketa bikoitza gauzatuko dute. Batetik, edizio zaharretako irudiak egongo dira ikusgai Alondegian. Bestetik, Euskara Arloak Urduñako elkarteekin aurtengo Korrikako lonarekin talde argazkiak egin eta zintzilikatzeko asmoa agertu du. "Duela bi urte tabernetan jarri genuen erakusketa eta oso arrakastatsua izan zen", adierazi du Matxalen Garcia Escudero euskara teknikariak.

Apirilaren 8an, berriz, spininga eta zumba eskainiko dute Foru plazan euskaraz. AEKk mintzodromoa antolatuko du egun horretarako; eta umeentzako herri kirolak ere egongo dira, hainbat gunetan bereizita: baserri txokoa, itsas-portua...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide