Tokikomen bidez, Otxandioko hasiera ekitaldia ikusteko aukera eskainiko du aiaraldea.eus-ek. Iruñean ere egingo da zuzeneko jarraipena. Euskal hedabideek elkarlanean ekoitziko dute telebista saio bateratua. Berria, EITB, Hamaika Telebista, Goiena, Kanaldude eta Xaloa Telebistarekin batera gauzatuko da emanaldia.
Otxandioko saioa
Otxandioko saioa martxoaren 30ean 16:00etan hasiko da. Aurkezle gisa arituko dira Ilaski Serrano eta Ekhiñe Atorrasagasti ETB eta Hamaika Telebistako kideak. Aurreratu dutenez, batez ere, Otxandioko giroa eta elkarrizketak izango dira saioaren ardatz. Lehen kilometroen nolakotasuna ere islatuko dute. Aurten, gainera, Urtsa Errazti izango da, besteak beste, lekukoa lehenbizikoz eramango duena, Korrikako sortzaileak izango dira omenduak eta.
Iruñeko emanaldia, berriz, apirilaren 9an izango da. Saioan, azken kilometroak eta amaiera ekitaldia izango dira nagusi. Hori dela eta, "20.Korrika amaiera Iruñean" izenburua jarri diote.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
