Hiru lan deialdi zabaldu ditu Gurutze Gorriak Aiaraldean. Gizarte hezitzaile, psikologo eta lege-aholkulari bana kontratatu nahi dituzte horrela, eskualdera etorriko diren errefuxiatu eta immigranteei harrera egiteko. Errefuxiatuei harrera egiteko pisuak prestatu dituzte Amurrio eta Laudioko udalek. Laudion 12 lagunentzako espazioa dago eta zortzirentzako, aldiz, Amurrion.
EUDELek abian jarritako programa baten bitartez ari dira iristen errefuxiatu eta immigranteak eskualdera. Gurutze Gorria ari da egitasmo hori kudeatzen, eta horretarako zabaldu ditu aipatutako hiru lan deialdiak. Erakunde horretatik adierazi dutenez, uztailean iritsi ziren programako lehen kideak Aiaraldera. Hainbat jatorritako pertsonak ziren: Siriakoak, Ukrainiakoak eta Argeliakoak.
Psikologo posturako lan deialdiari buruzko informazioa hemen ikusgai.
Gizarte hezitzaile posturako lan deialdiari buruzko informazioa hemen ikusgai.
Lege-aholkulari posturako lan deialdiari buruzko informazioa hemen ikusgai.
Elkartasun ekimena azaroaren 4an
Azaroaren 4an Laudion jarraipena emango zaio urte hasieran abiatutako errefuxiatuen aldeko ekimenen olatuari. Lan-talde bat dago egun horri begira lanean, eta herriko norbanako zein kolektiboak animatu dituzte egunaren antolakuntzan parte hartzera.
