aiaraldea.eus

Acerosen itxiera, emakumeen etxeak eta eskubaloia hizpide gaurko Aiaraldea Hemen hamabostekarian

Erabiltzailearen aurpegia Erredakzioa   Komunikazioa  Aiaraldea

Gaur eguerdian ekingo zaio aleen banaketari.

Acerosen itxiera, emakumeen etxeak eta eskubaloia hizpide gaurko Aiaraldea Hemen hamabostekarian
Inprentan dago jada hamabostekaria. / aiaraldea.eus | Ikusi handiago | Argazki originala

Gaur -urriak 4- argitaratuko da Aiaraldea Hemen hamabostekariaren ikasturteko bigarren zenbakia. Informazio ugari izango dute agerkariaren 24 orriek. Aceros de Llodio izango da gai nagusia, 25 urte bete baitira lantegi hori itxi zutenetik. Itxiera ekiditeko emandako borrokari buruzko erreportaje zabala topatu ahal izango du irakurleak, garaiko hainbat lekukotzekin osatutakoa.

 

Emakumeen etxeak ere izango ditu hizpide hamabostekariak, iragan astean inauguratu baitzuten Arabako lehen emakumeen gela; non eta Aiaran. Kirolaren atalean, aldiz, eskubaloia izango da nagusi, Laudio Eskubaloi Taldeari buruzko artikulu bat egongo baita, klubeko hainbat jokalariren adierazpenekin.

 

UdariKlik argazki lehiaketa
Irudiak garrantzia handia izango du hamabostekariaren ale honetan. UdariKlik argazki lehiaketa irabazi duten argazkiak jasoko ditu agerkariak, egileen adierazpenekin batera.

 

Kataluniako gertakariak ere jorratuko ditu aldizkariak, Tania Miró Porqueresi eginiko elkarrizketaren bidez.

 

Bihar eguerdian ekingo zaio aleen banaketari, eskualdeko saltoki, topagune, ikastetxe eta karriketatik.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa