Bi hitzaldi antolatu ditu Laudioko Gure Esku Dagok, maiatzaren 6an eskualdeko hainbat herritan egingo den herri kontsulta bultzatzeari begira. "Munduko emakumeei" buruzkoa izango da lehena. Maryam Fathi ekintzaile eta errefuxiatu kurduak eskainiko du otsailaren 23an 19:00etan, Erabilera anitzeko udal aretoan.
Bigarren zita hilaren 26an izango da 18:30ean, toki berean. “Duintasunez hiltzeko eskubidea” elkarteko kideak bertaratuko dira, bizi-testamentua zertan datzan azaltzera. "Nork bere bizitzaz eta gorputzaz duen eskubideaz mintzatuko dira, eta bizialdiaren azken unetan askatasunez erabakitzeko eskubideaz, batez ere", azaldu dute Gure Esku Dagoko kideek, "gero, 'Aurretiazko nahiak' agiria zer den azaldu eta nola egin daitekeen irakatsiko da".
Mus txapelketa
Horretaz gain, eskualdeko mus txapelketa antolatu du Aiaraldea Bat erabakiarekin egitasmoak, erabakitzeko eskubideari "ordago" egiteko. Amaitu da dagoeneko bertan izena emateko epea. Aiaraldeko hainbat tabernetan jokatuko dira norgehiagokak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
