Guztira 392 langilek eman dute bozka lan hitzarmenaren aurka Laudioko eta Amurrioko lantegi eta bulegoetan.
Akordioaren alde 327 behargin agertu dira. Horrez gain, 14 boto zuri eta 7 nulu egon dira. 740 pertsonek parte hartu dute bozkaketan.
Hainbat sindikaturen oposizioa
Aste hasieran LAB, USO eta STAT sindikatuek zabaldu zuten zuzendaritza eta gainerako sindikatuen akordioaren kontra egingo zutela kanpaina.
Gauzak horrela, negoziatu beharko dute lan hitzarmen berria langileen batzarrak adierazitako borondatea betetzeko. Tubacex taldeko akziodunen bilera maiatzaren 4an izango da.
LABen oharra
LAB sindikatuak hedabidei oharra bidali die eta adierazpen oso kritikoak egin ditu. ELA, CCOO eta Independentei leporatu die informaziorik ez ematea eta langileen ahotsa lapurtzea.
Horrez gain, sindikatuaren ustea da sinatutako akordioak ez zuela konpontzen "zuzendaritzak azken lau urteetan gehiegikeriaz erabili duen lan-malgutasuna, behin-behinekotasunak sortutako prekarietatea edota ordu extren areagotzea".
Azkenik, LABen aburuz, langileen ezezkoak ireki du atea negoziatzeko baldintza hobeak.
