STAT, USO eta LAB sindikatuek batera baloratu dute Tubacex enpresan jazo den egoera. Izan ere, osteguneko lan hitzamenari buruzko bozkaketak ez zuen langile gehienen babesa lortu: %53,2ak aurkako botoa eman zuen eta %44ak aldekoa.
Hiru erakundeek uste dute horrek erakusten duela ELAk, CCOOk eta Independenteek erdietsitako akordioa ez dela nahikoa eta hainbat gai jorratu behar dela negoziazio mahaian. Hurrengoak, besteak beste:
- Soldaten igoerak enpresaren egoerari egokituta. Berez, hainbat eskari Premium jaso ditu Tubacexek Iranetik eta historiako emaitzarik onenak lortu dituztela uste dute STATek, USOk eta LABek.
- Lan finkoa sendotu. 3 sindikatuen aburuz 50 lanpostu finko suntsitu dira aurreko hitzarmena sinatu zenetik eta 250 behin-behineko langile aritzen dira faktorietan.
- Behin-behineko langileen baldintzak hobetu, maiz egun gutxiko kontratuak egiten dizkiete eta.
- Segurtasuna.
- Makineria eskualdeko lantegitik atzerrira ez eramatea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
