Datorren astean hasiko da 2016ko urriaren 15ean Guardia Zibilarekin taberna batean izandako liskar bat dela medio auziperatutako Altsasuko gazteen aurkako epaiketa. Gazte horietako hiruk 500 egun baino gehiago bete dituzte dagoeneko espetxean, prebentziozko presoaldian.
Aiaraldean hainbat ekimen gauzatuko da epaiketa atarian Altsasuko gazteei elkartasuna adierazteko. Apirilaren 12an elkarretaratzeak deitu dituzte zenbait ikastetxetan eta 19:00etan eskualde guztia zeharkatuko duen auto-karabana zaratatsua abiatuko da Latiorroko aparkalekutik.
Apirilaren 13an, aldiz, kontzentrazioak egingo dira Amurrioko Juan de Urrutia plazan eta Laudioko Lamuza plazan, 19:00etan eta 20:00etan, hurrenez hurren.
Manifestazioa Iruñean
Apirilaren 14ean, "Altsasuko Gurasoek" deitua, manifestazioa burutuko da Iruñan Altsasuko gazteek bizi duten egoera salatzeko. Aiaraldetik autobusa antolatu dute mobilizaziora bertaratzeko. Izena emateko zerrendak hurrengo tabernetan aurkitu daitezke: Bazter (Laudio), Aretako Kultur Etxea, Mugalde (Urduña), Itxina (Orozko) eta Txokogorri (Amurrio). Autobusa 14:30ean aterako da Urduñatik, Amurriotik 14:45ean eta Laudiotik 15:00retan igaroz. Itzulera 21:00etan izango da Iruñatik.
