LABek biharko greban parte hartzeko deia luzatu die Tubacexeko langileei

Erredakzioa 2018ko api. 19a, 17:26

Bihar eta apirilaren 23an lanuzteak egingo dituzte Tubacexeko langileek. / Aiaraldea.eus

Oharra kaleratu du LABek, USO eta STAT sindikatuekin batera apirilaren 20 eta 23rako deitutako lanuzteetara deitzeko.

Positiboki baloratu du LABek iragan apirilaren 16ko greba deialdia. Biharko eta astelehenerako deituak dauden lanuzteetan parte hartzeko deia luzatu dute orain, zuzendaritzak negoziatzeko eskaerari egindako ukoaren ostean.

Oharrean LABek gogor salatu du ELA, CCOO eta independienteen papera. Atzo, apirilak 18, enpresako indar sindikal guztiak elkartu ziren LABek, USOk eta STATek deituta, "mobilizazio plan bateratu bat lantzeko asmoz". Adostasunak lortzea ezinezkoa izan zela adierazi dute sindikatu abertzaleko kideek. Salatu dutenez, gehiengo sindikala diren ELA, CCOO eta Independienteak "grebaren aurka biziki lan egiteaz gain, langileei ez diete inolako eskaintzarik egin".

Hilabete igaro da behargin gehienak, langileen asanbladan, gehiengo sindikalak zuzendaritzarekin adostutako lan-hitzarmenaren aurka azaldu zirenetik. Mobilizazioetan partaide ez izateak "zuzendaritzaren jarrera indartzea dakarrela" dio LABek eta mobilizazioak"konponduko dituela "langileen eguneroko arazoak: prekarietatea, malgutasuna, mugikortasuna...".

Ekonomia

Erlazionatuak

Tubacexeko zuzendaritzak apirilaren 13ko greba gutxietsi eta hitzarmena onartzeko eskatu du

Aimar Gutierrez Bidarte 2018 api 18 Aiaraldea

Zenbat kobratzen dute Tubacexeko zuzendaritzako kideek?

Txabi Alvarado Bañares 2018 api 12 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide