STAT, LAB eta USOk deitutako greben bigarren egunari ekin diote hainbat langileek gaur, eta astelehenean ere lanuztea egingo dute.
Bitartean, Tubacex enpresako zuzendaritzak zenbait hedabide baliatu du jakinarazteko, momentuz, ekoizpena hobetzera bideratu behar zuen 25 milioi euroko inbertsioa eten duela. Zehazki, faktorien instalazioak moldatzeko 2020. urtera arte gauzatu behar zituen aldaketak ez ditu egikarituko, egonkortasun falta argudiatuta.
Negoziazioak
Beharginen eta zuzendaritzaren tirabira hitzarmen kolektiboaren ondorioz piztu da. Izan ere, ELA, CCOO eta Independenteek akordioa sinatu zuten enpresarekin, baina langileen batzarrean ez zuten onartu, aurkako boto gehiago jaso baitzituen.
Tubacexeko arduradunek 30 eguneko epea eman zuten langileek hitzarmena onartzeko, azalduta ez zutela eskaintza hobetuko. STAT, LAB eta USO sindikatuek, akordioaren kontrakoek, greba egin zuten duela astebete eta gaurko zein astelehenerako ere deitu dituzte lanuzteak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
