Tubacexeko zuzendaritzak greba eskubidea urratu du apirilaren 13an, 20an eta 23an egin diren lanuzteetan, STAT, LAB eta USO sindikatuen aburuz. Izan ere, erakunde horiek salatu dute langile grebalarien lanpostuetan beste batzuk jarri zituela enpresak.
Horregatik, pasa den ostiralean Lan Ikuskaritzara deitu zuten eta guardiako ikuskaria Amurrio eta Laudioko faktorietan egon zen. Ikerketa egin ez ezik, zuzendaritza eta sindikatuekin ere mintzatu zen, dokumentazio gehiago eskatu zien eta orain txostena osatzen ari da.
Hori oinarri hartuta, Lan Ikuskaritzak erabaki beharko du sindikatuen salaketak zentzua zuen, baita enpresa zigortu behar ote duen ere.
Ibilbide luzea oraindik
Edonola ere, langile ordezkariek adierazi dute lan erakundearen ebazpena asko berandutu daitekeela; 8 hilabete, alegia. Erabakiaren arabera, sindikatuek baloratuko dute epaitegira jotzea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
