Lesbianen, gayen, transexualen eta bisexualen askapenerako borroka eguna izango da maiatzaren 17a. Nazioarteko egunak Aiaraldean ere izango du eragina. Laudioko Ikasleak Zorrotz-ek paroak deitu ditu ikastetxeetan sexu aniztasuna azaleratzeko. Aiaraldea hedabideari adierazi diotenez, sexualitate anitzak plazaratzeko auzolana egingo dute goizean; eta aldarriak kaleetara eramango dituzte ondoren.
Eskualdeko manifestazioa
Aiaraldeko Mugimendu Feministak, berriz, manifestazioa deitu du 19:00etan, Juan Urrutia plazatik abiatuta.
Ekimen gehiago egongo direla aurreikus liteke, hala ere. Laudioko Udalak kiroldegiko eskailerak koloreztatu zituen duela gutxi, eta Amets Meatza zinegotziak aurreratu zuen ez dela aldarrikapenerako ekintza bakarra izango. Amurrioko Udalak ere, herriko plazako bankuak margotu zituen helburu berarekin, duela zenbait hilabete.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
