Aiaraldeko azken musika nobedadeak entzungai: Lyrikan, Luis Vil & La Brigada Político Social, Radio Revolución...

Erredakzioa 2019ko mar. 22a, 07:00
Deskargatu Info Ahotsak :

Abesti berria plazaratu berri du Redio Revolución taldea. / R.R

Eskualdeko hainbat sortzailek lan berriak plazaratu dituzte azken asteetan.

Hainbat musika nobedade ekarri ditu udaberriak Aiaraldera. Eskualdeko sortzaile ugarik plazaratu dituzte abestiak azken asteetan.

Luis Vil da sortzaile horietako bat. Musikari amurrioarra Igor Arzuaga eta Maria Riverorekin batu da proiektu berri bat osatzeko: Luis Vil & La Brigada Político Social. Taldearen lehen abestia plazaratu dute dagoeneko: El torturador.

Nabarmendu dutenez, laster plazaratuko dute bigarren kanta, El esclavo izena izango duena. Vilek aurreratu du euskarri multimedian plazaratuko dituztela taldearen lanak, musika eta bideoa uztartuta.

Lyrikan artista laudioarrak ere hautatu du “bideosingle” formatua bere lanak plazaratzeko. Iragan astean argitaratu zuen azkena, Honesto izenekoa:

Musikari laudioarrak musika estilo ezberdinak probatzen eta uztartzen dihardu, Aiaraldea hedabideari eskainitako elkarrizketa honetan aurreratu zuenaren ildotik.

Radio Revoluciónek ere doinu berriekin estreinatu du udaberria.  Aiaraldeko “euskal cumbia” taldeak Muevelo singlea aurkeztu du:


Okher rap abeslariak, bere aldetik, jakinarazi du apirilean argitaratuko duela bere lehen LPa, digitalki zein formatu fisikoan.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!