Aiaraldeko alkategai jeltzale guztiak batu dira azken egunotan euskararen normalizazioari buruz eztabaidatzeko.
Zehazki, Urduñako, Amurrioko, Aiarako, Laudioko, Artziniegako, Okondoko, Arrankudiaga-Zolloko, Orozkoko eta Arakaldoko udal zerrendaburuek bilerak egin dituzte euskara ardatz moduan sartzeko udal hauteskunde programetan.
Hautagaiek oharrean adierazi dutenez, “ezagupena eta Aiaraldeko udalerrietako jarduerak euskaraz izateko sustapena landu eta kanpoko euskararen irudia eta erabilera suspertu nahi dugu”.
Bide batez, ziurtatu dute hausnarketa lan-saioak izan ostean, ondorioak hauteskunde-programetan sartuko dituztela datozen urteotan udaletan gauzatzeko.
"Halaber, erakundeetatik eta politikatik euskara normalkuntzarako politika/asmo sendoak bermatu eta bultzatu behar direla uste dugu, gure herriek behar dutena hain zuzen".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
