1,8 milioi euroko mozkinak lortu ditu Tubacex enpresak 2019ko lehen hiru hilabeteetan

Tubacex Taylor lantegia Artziniegan. / Aiaraldea.eus

%25,5ean murriztu dira multinazionalaren irabaziak, iazko emaitzekin alderatuta.

Tubacex taldeak Balore Merkatuaren Batzorde Nazionalari jakinarazi dio 1,8 milioi euroko etekin garbiak izan dituela 2019ko lehen hiru hilabeteetan. Guztira, 143,5 milioi euroko salmentak izan ditu multinazionalak.

Berez, iazko jarduerarekin alderatuta, enpresaren mozkinek behera egin dute %25,5ean eta salmentak ere %14,8an jaitsi dira. Hala ere, bere akzioek gora egin zuten poltsan.

Izan ere, nahiz eta taldeak Irango gobernuarekin kontratua bertan behera utzi Donald Trump Estatu Batuetako presidentearen politiken ondorioz, Tubacexek hainbat mugimendu egin ditu merkatuan bere kokapena sendotzeko.

Antza, kontratu ugari erakarri ditu eta inbertsio garrantzitsuak egin ditu nikela erosteko, akordioa sinatu du Egiptoko gobernuarekin programa nuklearra garatzeko eta aliantzak lortu ditu Midhani enpresa indiarrarekin eta Abu Dabiko inbertsio funtsarekin. Horrez gain, IBF konpainia italiarraren zati garrantzitsua bereganatu du. Hori gutxi balitz, 0,023 euroko mozkinak banatu ditu akziodunen artean akzio bakoitzeko.

Une hauetan, Tubacexen salmenta gehienak Asian jasotzen dira -%42- eta Estatu Batuetan ere kokatu da. Guztira, bere salmenten %21a Amerikan dira eta bertan duen faktorian inbertsioak gauzatu ditu ehuneko hori handitzeko.

Erlazionatuak

50,5 milioi euroren truke erosi dute Tubacex eta Senaat taldeek Dubaiko Nobu enpresa

Aiaraldea

Tubacex enpresaren asmoa da bere produktuak saltzea Ekialde Hurbilean, petrolio ekoizle nagusienen artean.
Tubacex-ek Italiako IBF enpresa erosi du, mundu osoko merkatuari begira

Aiaraldea

Tubacex-ek IBF enpresa italiarraren kapitalaren %65 erosi du, eta gainontzeko %35 erosteko asmoa berretsi. Erosketa horrekin Tubacex-ek mundu maila...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide