Maiatzaren 26ko hauteskundeen harira, alkategaien bideo elkarrizketak ez ezik, debateak ere antolatu ditu Aiaraldea hedabideak. Eskualdeko 9 udalerrietako zerrendaburu guztiei helarazi zaie mezua.
Hala, Aiaran, Arrankudiaga-Zollon eta Urduñan udaleko ordezkaritza politiko guztiek hartu dute parte. Baita Laudion ere: VOX salbu, gainontzeko talde politikoak bertaratu ziren debatearen zitara (EH Bildu, EAJ, Omnia, PSE-EE, PP eta Elkarrekin-Podemos).
Orozkoko eztabaidan denek agertu dute solasaldian aritzeko prestutasuna, baina osasun arazoak medio, EAJko zerrendaburuak ezin izan du bertaratu.
_content.jpeg)
Okondon, aldiz, oposizio eta gobernu taldearen arteko talkak direla-eta, ez da eztabaida aurrera atera. Arakaldon jeltzaleek ezezkoa eman zuten, eta ondorioz, ez da egitasmoa gauzatu. Antzekoa gertatu da Artziniegan, EAJk eta PPk ez baitute parte hartu nahi izan.
Amurrion, berriz, PPk, VOXek -Santiago Abascalen alderdiak ez du erantzun- eta EAJk uko egin diote debateari; eta hitzorduaren atarian, PSE-EEk ere ezin etorria adierazi du. Orain Amurriok, ordea, komunikazio arazoen ondorioz ezin zuen parte hartu. Haatik, Guk Baik ez parte hartzea erabaki du; EH Bildu prest bazegoen ere.
Datozen egunetan egongo dira ikusgai herrietako eztabaida saioak. Aiaraldea hedabideak eskerrak eman nahi dizkio eskualdeko 9 udalerrietako talde politiko orori eskainitako arretagatik.
_content.jpeg)