Aiaraldean ere EAJ gailendu da Batzar Nagusietarako hauteskundeetan

Erredakzioa 2019ko maiatzaren 27a
Deskargatu Info Ahotsak :

Biltzar nagusietan 5 ordezkari izango ditu Aiarak. / Wikipedia

EAJk 3 ordezkari lortu ditu Aiaran Batzar Nagusietarako eta EH Bilduk 2. Arabako Batzar Nagusietan zein Bizkaikoetan gailendu da alderdi jeltzalea.

Arabako Batzar Nagusietan bost ordezkari izango ditu Aiarak. EAJkoak izango dira horietako hiru: Marian Olabarrieta, Onintze Gerra eta Ainhoa Campo. EH Bildutik, berriz, Ainhize Solaun eta Nerea Martinez Cerrillo arituko dira Kuadrilla ordezkatzen. 

Boto kopuruei dagokionean, EAJk 7.668 boto jaso ditu (%41.09), EH Bilduk 5.123 (%27.45), PSE-EEk 2.007 (%10.76), Podemos-Ezker anitza-IU eta Equo Berdeek 1.321 (%7.08), Omniak 1.200 (%6.43) PPk 1.021 (%5.47) eta VOXek 167 (%0.89). Orotara Araban EAJk 17 biltzarkide izango ditu, EH Bilduk 12, PSE-EEk 10, PPk 8 eta Elkarrekin Podemosek 4. 

Urduñan, Arakaldon, Arrankudiaga-Zollon eta Orozkon Bizkaiko Batzar Nagusietarako zerrendak bozkatu dituzte. Bizkaian 25 eserleku lortu ditu EAJk, EH Bilduk 10, PSE-EEk 8, Elkarrekin Podemosek 6 eta PPk 2.

Politika

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide