Aiaraldeko Mugimendu Feminista, Artiacheko eta Berriak supermerkatuetako langileekin bat

Erredakzioa 2019ko aza. 13a, 16:45
Deskargatu Info Ahotsak :

Greba feminista izan zen lan gatazketarako pizgarri, oharrean azaldu dutenez. / Eider Gartzia

Bihar egingo den mobilizazioan eta datozen larunbatetako lanuzteetan parte hartzeko deia luzatu dute.

Aiaraldeko Mugimendu Feministak oharra plazaratu du Artiachetik kaleratutako emakumeei eta Berriak supermerkatuetako langileei “elkartasun feminista” helarazteko. Berriak supermerkatuetako langileen kasuan, mugimendu feministak gogorarazi du “martxoaren 8ko greba feminista" izan zela lan-gatazka horri aurre egiteko mugarri. "Emakume* langileek eurek, aipatu dutenez, lan prekarietatea salatzera atera ziren lehenbizikoz orduan”.

Orozkoko Artiach galleta fabrikako emakume kaleratuen kasuan gertatutakoa, aldiz, “gatazka isolatua” ez dela nabarmendu dute feministek. “Egunerokotasunean emakume askoren lantokietako esplotazioaren adibide bat gehiago baino ez da”.

Gauzak hala, mugimendu feministako kideek jakinarazi dute “behar beste aldiz” aterako direla kalera, “gureak ere badiren espazioak zapalkuntza gabe bizi nahi ditugula aldarrikatzera”. Horregatik, datozen egunetan egingo diren mobilizazio eta lanuzteetan parte hartzeko deia luzatu dute.

Hemen ikusi daiteke irakurketa osorik:

Politika
Erlazionatuak
[BIDEO ERREPORTAJEA] Berriak supermerkatuak: Greba feministak piztutako langile borroka
[BIDEO ERREPORTAJEA] Berriak supermerkatuak: Greba feministak piztutako langile borroka

Txabi Alvarado Bañares 2019 aza 10 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide