Basaurbeko araztegiko obrak baimendu dituzte

Txabi Alvarado Bañares 2019ko aza. 30a, 18:41

15 milioi euro baliatuko dituzte obra egiteko. / Espainiako Trantzisio Ekologirako Ministerioa

Hala ere, Markixanako araztegia egiteko lanak oraindik ez daude bideratuta.

Basaurbeko araztegia eraikitzeko obrak abiatzea baimendu du Espainiako Ministroen Kontseiluak, Trantzisio Ekologikorako Ministerioak hala proposatuta. 15.164.299 euro baliatuko dituzte lan horiek egiteko.

Hala ere, eskualdean dituen arazoei aurre egiteko beharrezkoa izango da Markixanako araztegia ere martxan jartzea. Izan ere, Basaurbeko araztegiak Laudio eta Orozkoko isurketak baino ez ditu tratatuko. Proiektuak bi kolektoreren eraikuntza barnebiltzen du. Laudion egongo da bata eta Altube errekan, aldiz, bigarrena. Urak Basaurbera bideratzea izango da bi azpiegitura horien zeregina.

Ultrafiltraziorako mintz batzuen bidezko tratamendu biologiko bat baliatuko dute ura arazteko, ministerioak jakinarazi duenez.

Espainiako Gobernuaren ezegonkortasunak eragin zuzena izan du eskualdeko araztegien proiektuetan. Iaz jakinarazi zuten azpiegitura horiek eraikitzeko kontratazio prozedura abiatuko zutela. Baina urtarrilean obren prozedura moteldu zela jakinarazi zuten. Apirilean, aldiz, Nerbioiko kolektoreetan 40 milioi inbertitzea onartu zuen Espainiako Gobernuko Ministroen Kontseiluak, hauteskundeen atarian.

Ingurumena

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide