AP-68 errepiderako hileko gastu ezartzea eskatu du EH Bilduk

Julen Solaun Martinez 2019ko abenduaren 11

Eskualdeko lau alkatek parte hartu dute prentsaurrekoan.

EH Bilduk AP-68 errepidean hileko gastu muga ezartzea eskatu du, “A-8, Supersur eta Artxandako Tuneletan aplikatzen den gastu muga bera” eskualdean ere finkatzeko. Arrigorriagako eta Urduñako alkateek, Maite Ibarrak eta Itziar Bigurik, eskaini dute prentsaurrekoa.

Agerraldian azaldu dutenez, 2017ko urtarrilean jarri zuen Aldundiak bere eskumeneko errepideetan 30 euroko gehienezko bidesaria ordaintzeko sistema, baina AP-68aren kasuan “EAJ eta PSE-EEren ezetzak" jaso dituzte, salatu dutenez.

Bi alkateek nabarmendu dute abenduaren 5etik errepidea Aldundiaren eskumenekoa dela eta, ondorioz, ez dagoela “diskriminazio egoera horri eusteko inolako arrazoirik”.

Gauzak hala, EH Bilduk jakinarazi du emendakina sartu duela Aldundian, ordainketa sistema hori 2020an abian jartzeko.

Bestalde, AP-68ko gastu muga ezartzeko proposamena eskualdeko udaletara eta Batzar Nagusietara eramango dutela ziurtatu dute. Urduñako alkateaz aparte, eskualdeko beste hiru ordezkari egon dira prentsaurrekoan: Jabi Asurmendi (Arakaldoko alkatea), Txutxi Ariznabarreta (Arrankudiaga-Zollokoa) eta Samuel Pasandin (Orozkoko zinegotzia).

Politika Bizkaia

Erlazionatuak

“AP-68 errepidea doakoa izan beharko litzateke, baina bitartean egokia iruditu zait sinadura bilketa abiaraztea”

Txabi Alvarado Bañares 2018 uzt 13 Aiaraldea

AP-68ko bono soziala Aiaraldera zabaldu daitekeen aztertzea eskatu diote Batzar Nagusiek Foru Aldundiari, aho batez

Txabi Alvarado Bañares 2018 uzt 21 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide