Prest dago Aiaraldea urtarrilaren 30eko Greba Orokorrari heltzeko

Erredakzioa 2020ko urtarrilaren 18a
Deskargatu Info Ahotsak :

Aiaraldean hasiak dira urtarrilaren 30ean deituta dagoen Greba Orokorrerako motorrak berotzen. Pentsionisten mugimenduko, gazte mugimenduko, langile mugimenduko eta mugimendu feministako dozenaka kidek herrietako greba batzordeek greba egunerako prestatutako egitaraua aurkeztu dute Urduñako frontoian egindako indar erakustaldian.

Greba Orokorra deitu du Euskal Herriko Eskubide Sozialen Kartak datorren urtarrilaren 30erako. Testuinguru horretan, greba batzordeak antolatu dira eskualdeko herrietan. Gaur indar erakustaldia egin dute Aiaraldeko mugimendu feministako, pentsiodunen mugimenduko, gazte mugimenduko eta langile mugimenduko kideek. Greba Orokorrerako antolatu duten egitaraua aurkeztu dute Urduñako frontoian.

Agerraldiaren ostean kotxe karabana batek Urduña, Amurrio, Laudio eta Orozko zeharkatu ditu, grebako aldarriak lau haizetara zabalduz.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide