aiaraldea.eus

PSE-EE: "Greba orokorreko ekintza bandalikoak salatu nahi ditugu"

Erabiltzailearen aurpegia Izar Mendiguren Cosgaya   Politika  Aiaraldea

Aiarako PSE-EEk prentsa ohar bidez salatu ditu Greba Orokorreko zenbait ekintza.

PSE-EE: "Greba orokorreko ekintza bandalikoak salatu nahi ditugu"
PSE-EEk ohar baten bidez salatu ditu greba orokorreko zenbait ekintza. / Aiarako PSE-EE | Ikusi handiago | Argazki originala

"Alderdi sozialistatik greba orokorraren deialdia egin zenetik gaur arte gure herrietan egindako bandalismo guztiak salatu nahi ditugu". Batetik, larunbatean Amurrion jazotako ekimenaren aurkako jarrera agertu dute PSE-EEko kideek: "Elexondo kaleko errepidea moztu zuten zebrabideetan panpinak jarrita eta margoa botata odola izango balitz bezala. Herriko zenbait tokitan paperak jaurti zituzten gainera".

Horrez gain, zenbait bulego eta paretetako pintadak arbuiatu dituzte PSE-EEko kideek: "Horietako batzuetan udaltzainek edota ertzainek esku hartu behar izan dute, esaterako, Laudioko Altxortegi Publikoaren egoitzan eragindako txikizioan", erantsi dute.

Zentzu horretan, sozialistek adierazi dute giza eskubideen premisapean ekintza bandalikoak onartezinak direla; "eta zentzu horretan, Aiarako Kuadrilletako udaletxeetan mozioak aurkeztu dituztenek publikoki horrelako ekintzak eta gertaerak ez kondenatzea salatzen dugu". 

Ildo beretik, greba orokorra jarraitu duten eragile politiko eta sozialek deialdiarekin bat ez egitea erabaki duten norbanakoen errespetua defendatu beharko lukete, PSE-EEren iritziz, "udalaren, enpresen eta pertsonen ondasunak babestearekin batera".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa