aiaraldea.eus

“Aiaraldea Zainduz” ekimena jarri dute abian, koronabirusaren aurrean elkartasun sareak ehuntzeko

Erabiltzailearen aurpegia Txabi Alvarado Bañares   Jendartea  Aiaraldea

Laudio, Amurrio, Aiara, Okondo eta Orozkoko bizilagunei laguntzea da ekimenaren xedea.

“Aiaraldea Zainduz” ekimena jarri dute abian, koronabirusaren aurrean elkartasun sareak ehuntzeko
"Aiaraldea Zainduz" ekimena sortu berri dute. | Ikusi handiago | Argazki originala

“Aiaraldea Zainduz” ekimena abiatu dute eskualdean, koronabirusaren aurrean “elkartasun sareak” ehuntzeko. Laudio, Amurrio, Aiara, Okondo eta Orozkora bideratutako ekimena izango da. Boluntario sarea eratzea dute helburu, herri horietako bizilagunak laguntzeko, “arrisku handiena edo premia bereziak dituzten pertsonei batez ere eta osasun-jarraibideak errespetatuz betiere”.

Bizilagun orori luzatu diote sarean parte hartzeko deia. 618 97 81 92 telefonora edo aiaraldeazainduz@gmail.com helbidera mezu bat bidali beharko da horretarako.

Telegram kanal bat ere sortu dute, “Covid-19 birusaren inguruko Aiaraldeko unean uneko informazioa jasotzeko”.

Eskualdean sortzen den mota honetako bigarren ekimena da hau, Laudioko gazte batzuek ere laguntza taldea eratu berri baitute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa