Osakidetzak gaur eguerdian argitaratu du txostena, atzo 20:00ak arteko datuekin. Zenbaketa berriak 50 positibo utzi ditu eskualdean; 3 gehiago Amurrion, eta bana Laudion eta Urduñan.
Hazkunde handiena Amurriok jaso du, egun bakarrean 9 kasutik dozenara pasa baita, hau da, % igo da positibo kopurua. Laudiok 18 erirekin bukatu zuen eguna, Urduñak 8rekin, Aiarak 6rekin eta Artziniegak zein Orozkok ere 3rekin. Alegia, hiru udalerritan ez zen diagnosirik gehitu.
Eskualdeko batezbestekoaren hazkundea %11,1ean geratu da. Hau da, atzokoa ere murriztu du. Gauzak horrela, Laudio Araba, Bizkaia eta Gipuzkoako kasu positiboen zenbaketa zerrendan 23. postura jaitsi da, baina Amurrio 28. kokatu da.
Atzo zenbaketak, EAE osoari dagokionez, ez ziren oso baikorrak izan. 150 udalerri baino gehiago dira jadanik kutsatuak, 3.271 lagun guztira. Bizkaian daude gehienak; 1.501. Araban 1.207 ziren eta Gizpuzkoan 563.
Egun batetik bestera 527 kasu gehiago identifikatu dira, %69,45 hazkundea suposatzen du horrek aurreko egunari dagokionez eta kopuru orokorrean, atzokoak %19,2a izan ziren.
Hildakoak ere ugaritu dira: 155 hain zuzen. Bestalde, zaintza bereziak behar dituzten herritarrak 155 izan ziren atzo, eta ospitaleratuak 1.150.
Eskualdeko bilakaera egunka eta asteka
