Koronabirusaren 17 positibo berri egon ziren atzo Aiaraldean, 13 Laudion

Aitor Aspuru Saez 2020ko martxoaren 26a
Deskargatu Info Ahotsak :

Laudioko anbulatorioa, aste honetan eginiko argazki batean. / Aiaraldea.eus

67 kasura heldu zen atzo Aiaraldea sekulako igoera izan ostean, %29,4koa, alegia. 13 kasu Laudion diagnostikatu zituzten, beste 3 Amurrion eta 1 Aiaran.

Asteazkenak Covid-19 birusaren 17 positibo berri utzi zituen Aiaraldean, Osakidetzak jakinarazi duenez.

Gehienak Laudion izan ziren, 13. Hain zuzen, %72,2ko igoera izan du herriak egun batetik bestera; 18tik 31ra. Orain arteko hazkunderik handiena. EAEko udalerri kutsatuenean artean 17. postuan kokatzea ekarri du horrek, atzo 23. postuan egon eta gero.

Amurrion ere 3 positibo berri baieztatu zituzten eta 15 dira guztira. Aiarak kasu bakarra gehitu zion bere zenbaketari eta 7 dira jadanik. Edonola ere, kopurua bikoiztu daiteke, Menagaraiko Bihotz Errukitsua zentroan 7 analitika egin dituztelako eta emaitzen zain daudelako.

Urduñak jarraitzen du 8 kasu positibo izaten, eta Artziniegak 3 ditu, Orozkok bezala.

Eskualdean batezbestekoaren hazkundea atzo %29,4koa izan zen, EAEkoa gaindituta, zeina %26,3ra heldu zen.

 

Erkidego osoan 3.946 positibo daude: 1.850 Bizkaian, 1.425 Araban eta 661 Gipuzkoan. Atzo 25 lagun gehiago hil ziren eta 180 dira dagoeneko zendutako herritarrak.

Osasuna
Erlazionatuak
50 positibora heldu ziren atzo koronabirus kasuak Aiaraldean
50 positibora heldu ziren atzo koronabirus kasuak Aiaraldean

Aitor Aspuru Saez 2020 mar 25 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide