Koronabirusaren 9 kasu berri diagnostikatu zituzten larunbatean Aiaraldean, aurreko egunean baino %47,3 gutxiago

Aitor Aspuru Saez 2020ko mar. 29a, 18:32
Deskargatu Info Ahotsak :

Herritar bat Laudioko osasun zentroan sartzen, artxibo iudi batean. / Aiaraldea.eus

Positibo guztien batuketa 113 bada ere, azken hiru eguneko igoera nabarmen murriztu da. Atzo 9 kasu berri diagnostikatu zituzten, baina asteazkenean 17 izan ziren, ostegunean 18 eta ostiralean 19.

Osakidetzak argitaratu berri duen txostenak itxaropenerako tartea ematen du Aiaraldeko emaitzak ikusita. Izan ere, 3 egunetan sekulako hazkundea izan eta gero, koronabirusaren positiboei dagokienez, igoera murriztu egin zen atzo.

Guztira 9 kasu berri egon ziren; 4 Laudion, 3 Amurrion eta bana Aiara eta Orozkon. Hau da, 113 dira eskualdeko kasuak eta horrela banatzen dira: 49 Laudio, 31 Amurrio, 10 Urduña, 8 Aiara, 7 Artziniega, 4 Orozko eta 4 Okondo.

Edonola ere, atzoko igoerak aurreko eguneko joerarekin apurtu du neurri batean. Egun batetik bestera positiboen gorakada %8,65ean geratu da ostiraleko kopuruarekin alderatuta. Aintzat hartu beharra dago asteazkenetik ostiralera bitartean orain arteko Aiaraldeko koronabirus kasuen %47,7a identifikatu zituztela; 54. 

Zehazki, egunez egun igoera honakoa izan zen: %29,4 asteazkenean, %26,86 ostegunean eta %22,35 ostiralean. Atzo, esan bezala, hazkundea %8,65ean mantendu zen.

EAEri dagokionez, 5.740 positibora heldu da kopurua; 2.776 Bizkaian, 1.947 Araban eta 1.017 Gizpuzkoan. 24 lagun gehiago zendu ziren atzo eta 265 dira jadanik hildakoak. 

 
Osasuna
Erlazionatuak
104 positibora heldu da jadanik Aiaraldea, 19 gehiago 24 ordutan
104 positibora heldu da jadanik Aiaraldea, 19 gehiago 24 ordutan

Aitor Aspuru Saez 2020 mar 28 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide