Bihar lanera joateko esan die Tubacexeko zuzendaritzak langileei

Tubacexen Laudioko lantegiko artxibo irudi bat. / Aiaraldea.eus

Errege Dekretuak siderurgia “funtsezko zerbitzu” kontsideratu duela argudiatu dute enpresako buruek, behin betiko dokumentua oraindik plazaratu ez den arren.

Ziurgabetasun handia dago eskualdeko langileen artean. Funtsezkoa ez den jarduera ekonomiko oro eteteko agindua iragarri zuen atzo arratsaldean Espainiako Gobernuak. Baina 24 ordu baino gehiago igaro dira dagoeneko jakinarazpen hori egin zenetik, eta oraindik ez da erabat ziurra zer jarduera kontsideratuko diren “funtsezko” eta zeintzuk ez.

Ser hedabideak gaur ateratzekoa den Errege Dekretuaren zirriborroa plazaratu du. Dokumentu horren arabera, 40 jarduera mota dira funtsezkotzat hartzen direnak. Horien artean daude supermerkatuen hornikuntza edota osasun azpiegiturak, baina baita bestelako sektore batzuk ere, siderurgia kasu.

Hori baliatu du Tubacexeko zuzendaritzak langileei bihar lanera joan behar direla esateko, baina ikusteke dago behin betiko Errege Dekretuak zer zehaztuko duen. Horri gehitu behar zaio enpresa taldearen eskualdeko lantegietan berez dagoen egoera ezegonkorra. Ostiral arratsaldean izan ziren sindikatuen eta zuzendaritzaren arteko azken negoziazioak, eta bihar jarraituko omen dute. Errege Dekretuaren edukiak, beraz, asko baldintzatu ahal ditu bi aldeen arteko elkarrizketa horiek.

Artikulua eguneratzen joango gara informazio gehiago izan ahala. Estatuko Buletin Ofizialean argitaratuko da Errege Dekretua, eta hemen kontsultatu ahalko da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide