16 koronabirus positibo berri zenbatu zituen atzo Osakidetzak Aiaraldean eta 129 dira jadanik

Aitor Aspuru Saez 2020ko mar. 30a, 18:33
Laudioko anbulatorioa, artxibo irudi batean. / Aiaraldea.eus

Larunbatean 9 kasu berri diagnostikatu eta gero, positibo berrien kopurua aurreko egun kritikoetara hurbildu zen atzo 16 gaixo gehituta.

Osakidetzak eguerdian plazaratu ditu atzo jazotako koronabirus kasu berrien datuak. Larunbateko kopuruarekin osatutako txostenak itxaropenerako tartea uzten bazuen, igandeko zenbaketa ez da hain baikorra izan.

Berez, 16 positibo gehitu zituen osasun sistemak Aiaraldean eta 129ra heldu dira. Larunbatean 9 izan ziren soilik eta aurreko hiru eguneko joera apurtu zuen (asteazkenean 17, ostegunean 18 eta ostiralean 19 positibo egon baitziren, hurrenez hurren), baina atzoko datuekin gaixo berriek %177an egin dute gora aurreko eguneko igoerarekin alderatuta.

Gauzak horrela, Laudiok 57 kasu ditu, hau da, 9 gehiago. EAEko 17. herririk kutsatuena da. Amurriok 34 ditu eta Urduñak 13. Igandean biek 3 positibo berri erregistratu zituzten. Aiaran 9ra heldu dira eta Orozkon 5era. Alegia, biek kasu berri bana dute.

Artziniegak eta Okondok eutsi egin diote, 7 eta 4 kasurekin, hain zuzen. 

EAEn 306 positibo gehiago identifikatu zituzten eta guztira 6.057 dira. Herrialdeka Bizkaiak 2.937 ditu, Arabak 2.049 eta Gipuzkoak 1.071. Hildakoak 297 dira. Hau da, atzo 32 lagun gehiago zendu ziren. Txosten osoa hemen irakurri daiteke.

 
Osasuna
Erlazionatuak
Koronabirusaren 9 kasu berri diagnostikatu zituzten larunbatean Aiaraldean, aurreko egunean baino %47,3 gutxiago
Koronabirusaren 9 kasu berri diagnostikatu zituzten larunbatean Aiaraldean, aurreko egunean baino %47,3 gutxiago

Aitor Aspuru Saez 2020 mar 29 Aiaraldea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide