ELAk salatu du Indesak ez diela soldata osagarria ordaindu espedientean dauden langileei, ondorioz, 500 edo 600 euro jaso dituzte

Indesa enpresako langileen mobilizazioa, artxiboko irudi batean.

Arabako Foru Aldundiaren enpresa da Indesa. 347 langilerentzat espedientea abiatu zuen Covid-19agatik eta adierazi zien beharginei soldataren %100a ordainduko ziela, baina atzo jaso zuten dirua eta ez da horrela izan, ELA sindikatuak salatu duenez.

ELA sindikatuak oharra zabaldu du jakinarazteko Arabako Foru Aldundiak ez duela bete Indesako langileei agindutakoa. Indesa sozietate anonimoa da, baina aldundiak du parte-hartze ia guztia.

Osasun larrialdia hasi zenean, espedientea jarri zuten indarrean 347 langilerentzat. Guztira, 800 inguru dira Araban eta Aiaraldean 100 -Amurrio eta Laudioko zentroetan-. Garbiketa eta lorezaintza lanak betetzen dituzte, besteak beste.

Enpresak aurreratu zuen lan egin gabe geratuko zirenak soldata osagarria izango zutela. Hau da, langebeziak eta konpainiak ordaindutakoarekin soldataren %100a jasoko zutela. Hala ere, atzo -apirilaren 1ean- izan zen ordainketa eta espedientearen barruan dauden beharginek ez dute diru hori jaso.

500 eta 600 euro arteko diru sarrera
Gauzak horrela, langile horiek 500 eta 600 euro arteko diru sarrerekin geratu dira. Sindikatuak, gainera, gogoratu du Lanbidek ez diela langabezia ordainduko apirilaren 10era arte. Ondorioz, "jatearen eta ohiko ordainketak egitearen artean" erabaki beharko dute. 

Horregatik, akats hori berehala zuzentzeko exijitu dio langile erakundeak enpresako zuzendaritzari zein aldundiari.

ELAk gogor salatu du Indesako langileekin modu arduragabean jokatzen duela Arabako Foru Aldundiak. Sindikatuaren aburuz, espedientea prestatzeko ez zuen denborarik galdu enpresak, baina ez du segundo bat bera bideratu langileei ordaintzera.

Sindikatuak gogoratu du Indesak behar bereziak dituzten herritarrak kontratatzen dituela eta lan baldintzak ez direla egokiak, askotan soldata ez baita heltzen 1.000 eurora.  

Erlazionatuak

Indesa enpresako langileek salatu dute 900 euro eskas irabazten dituztela eta 100 baino gehiago Aiaraldeakoak dira

Aiaraldea

Indesa enpresa publikoko langileek protesta egin zuten Gasteizen larunbatean, euren lan baldintzak salatzeko. Irailean mobilizazio gehiago egingo d...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide