Koronabirusaren 20 positibo berri egon ziren atzo Aiaraldean, 12 Amurrion

Aitor Aspuru Saez 2020ko api. 4a, 20:14
Deskargatu Info Ahotsak :

Laudioko anbulatorioa asteartean. / Aiaraldea.eus

Aurreko marka guztiak apurtu ziren atzo eta 171 kasura heldu da jadanik eskualdea.

Osakidetzako datuak aintzat hartuta, atzokoa egun beltza izan zen Aiaraldean koronabirusaren kasu berriei dagokienez. Izan ere, 24 ordutan 20 positibo berri diagnostikatu zituzten.

Hau da, egun batetik bestera %81,8ko igoera jazo zen, asteazkenean 11 identifikatu baitzituzten. Kontuan hartu behar da ere asteazkenean %120koa izan zela igoera, astearteko kasu berriekin alderatuta -5etik 11ra igarota-.

Datu okerrenak Amurriok izan zituen, 12 positibo zenbatu baitziren atzo; %500eko hazkundea kasu berrietan egun batetik bestera. Guztira, heren batean (%33,3an) igo dira gaixoak udalerrian 24 ordutan eta 36 izatetik 48 izatera egin dute salto.

Eskualdeko kopurua 171 kasutan geratu zen atzo eta gainerako udalerritan hazkundea xumeagoa izan zen: Laudion eta Urduñan 2 gehiago eta Aiaran, Artziniegan, Orozkon eta Okondo bana gehiago.

Horrela, Laudiok jarraitzen du izaten Aiaraldeko herririk kutsatuena kasu zenbaketari dagokionez, eta 70 herritar gaixotu dira. EAEko 17. udalerririk kaltetuena da. Amurrio 26. kokatu dago zerrenda horretan, 48 kasurekin.

Urduñan 19 positibo jazo dira, Aiaran 11, Artziniegan 8, Orozkon 10 eta Okondon 5.

Populazioaren ehunekoei erreparatuta, Amurriok gora egin du nabarmen eta herritarren %0,46a gaixotu da. Urduñan %0,44ra heldu dira, Okondon eta Artziniegan %0,41era, Laudion eta Orozkon %0,38ra eta Aiaran%0,37ra.

EAEn 7.827 lagun daude kutsatuta. 4.024 Bizkaian, 2.447 Araban eta 1.357 Gizpuzkoan. Guztira 444 herritar zendu dira, aurreko egunean baino 32 gehiago. 

 
Osasuna
Erlazionatuak
%120 hazi ziren atzo koronabirus positibo berriak eskualdean
%120 hazi ziren atzo koronabirus positibo berriak eskualdean

Aitor Aspuru Saez 2020 api 02 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide